ZABALDU Programa

Euskal enpresen nazioarteko jarduera sustatzeko laguntzak

Dirulaguntza publiko ez-itzulgarrien bidez banatzen diren ZABALDU laguntzen helburua da euskal enpresen jarduera promozional eta operatiboa sustatzea, enpresak atzerriko merkatuetan sar daitezen, beren lehiakortasuna hobetu dezaten eta garapen sostengarria sustatu dezaten nazioartekotze-prozesu osoan zehar.

Nazioartekotze Planak izan behar du enpresen nazioartekotze-ekimen guztien oinarria. Horregatik, Plan hori lehenbiziko tresna bat –eta diruz lagungarria– izateaz gain, bera aurkeztea ezinbesteko baldintza da laguntzak eskatzeko nazioartekotze-prozesuko gainerako etapetan.

Bat egin nazioartekotzeko erronka

Eskaintzen dizuguna

Itzuli beharrik gabeko dirulaguntza gastuen %40eraino ordaintzeko eta 100.000€/eskaera eta 3 eskaera enpresa bakoitzeko mugarekin , honakoetarako:

  • Sustapen-ekintzak, ikerketak eta azterlanak, beharrezkoak direnak enpresaren nazioarteko lehiakortasuna hobetzen lagunduko duten merkatu identifikatuetan sartzeko
  • 8 orduko aholkularitza estrategikoa eta operatiboa jomuga-merkatuan espezializatuta dauden kanpo sareko adituen eskutik
  • Jabetza industrialarekin eta homologazioekin lotutako gastuak
  • Prospekzio-bidaiak eta alderantzizko Misioak
  • Sustapen- eta publizitate-materiala
  • Azoketan parte hartzea

Betekizunak

  • Euskal ETEak, nazioarteko estrategia hasi edo sendotu nahi dutenak eta Nazioartekotze Plan bat dutenak
  • Zabalkuntza fasean dauden enpresak eta esportazio-portzentaje baxua dutenak
  • %40tik beherako esportazio jarduera dutenak. Zure enpresaren jarduera esportatzaileak guztizko fakturazioaren %40 gainditzen badu, SAKONDU Programan parte hartu dezakezu

Galderarik al duzu?

Utzi zure datuak eta zurekin harremanetan jarriko gara.