Elkartu Programa
Elkarturen babesa
ELKARTU programak 500.000 €-ko esleipena du, eta enpresa-lankidetza sustatzera bideratuta dago, Euskadiko enpresen presentzia hobetzeko nazioartean. Elkartu enpresa-elkarteei eta enpresa-lankidetzako edozein talderi, esportazio-partzuergoei salmenta-taldeei edo atzerriko merkatuetan elkarrekin jarduteko konpromisoa duen beste edozein figurari zuzenduta dago. Programaren helburua enpresa-lankidetzako taldeen eraketari, gastu operatiboei edota promozioari dagozkion gastuei lotutako jarduerak babestea da.
ELKARTUren laguntzak itzuli beharrik gabeko dirulaguntza publikoetan antolatzen dira, honako hauekin lotuta dauden enpresa-lankidetza babestera zuzenduta daude: nazioartekotzea, aliantzak sustatzea nahiz nazioartekotze-prozesuan garapen jasangarria bultzatzea.
Era horretara, Elkarturen laguntza-programarekin, taldekatzeen eraketari eta jarduera ekonomikoaren garapenari lotutako gastuak laguntzen ditugu diruz, nazioartekotze-prozesuari lankidetzan ahal den ziurtasun eta arrakasta handienaz aurre egiteko aukera ematen duten baliabideez hornitzeko.
Zer eskaintzen dizugu?
Gastuen % 80ra arteko laguntzak, gehienez 60.000 € partzuergoentzat, 50.000 € elkarteentzat eta 45.000 € salmenta-taldeentzat (15.000 euroko muga enpresa bakoitzeko), hauetarako:
- Enpresa-lankidetzarako talde bat osatzeko.
- Taldearentzako Nazioarteko Jarduera edo Estrategia Plana garatzeko.
- Merkatuen prospekziorako aholkularitza kontratatzeko.
- Jabetza industrialari eta homologazioei lotutako gastuetarako.
- Bulegoen alokairua, hornikuntza, logistika-gastuak edo taldeko jarduerari lotutako eta partekatutako beste edozein gastu edo antzeko gastu operatiboetarako.
- Merkataritzako agentea edo ordezkaria hautatzeko gastuetarako.
- Misio zuzenetarako eta alderantzizkako misioetarako.
- Azoka eta kongresuei lotutako gastuetarako.
- Promozio- eta hedapen-gastuetarako.
- Nazioartekotze eta kontingentzia-planei, birdiseinuak eta global supply chainen alternatibei eta nazioarteko e-commercerako estrategiak definitzeari lotutako azterketetarako.
- Lankidetzan gauzatzen diren nazioarteko lizitazioetarako eskaintzak kudeatzeari eta prestatzeari lotutako gastuetarako.
Eskakizunak
Prozedura
- Eskabideak hurrenkeran ebatziko dira espedientearen dokumentazioa osaturik egon ahala eta aurrekontua agortu arte.
Onuradunak
- Euskadiko enpresa-elkarteak
- Euskadiko enpresa-lankidetzarako taldeak, esportazio-partzuergoak edo salmenta-taldeak, besteak beste
2024ko aurrekontuak
Zalantzaren bat duzu?
Utzi zure datuak eta jarriko gara zurekin harremanetan Kontaktatu
Edo idatzi Jesús M. Cantóni: jmcanton@basquetrade.eus