Nazioarteko hedapena eta salmentak

Nazioarteko jarduera erregularra duten enpresa horientzat, Basque Trade & Investmentek zenbait zerbitzu eta programa eskaintzen ditu nazioarteko posizioa zabaldu eta finkatzeko. Merkatuak dibertsifikatzea edo atzerrian ezartzea, besteak beste. Basque Tradek zerbitzu hauek eskaintzen ditu: merkatu berrietara sartzea, kanal egokiak, beharrezko finantzaketa bilatzea, balio-kate orokorra hobetzea edo plataforma digitaletan posizioa eta salmenta hobetzea.
Horrez gain, finantza-babesa emateko programa espezifiko bat dugu Euskadiko enpresaren nazioarteko hedapen eta finkapena errazteko.

Aholkularitza-zerbitzuak

Gure merkatuen finkatze eta/edo hurbiltze-zerbitzuaren bidez, zuen nazioarteko hedapenerako hurrengo herrialdeak hautatzen lagunduko dizuegu

Nazioarteko esperientzia duen ETE bat bazarete, baina herrialde gutxi batzuetara baino ez baduzu esportatzen, hausnarketa-prozesu batean gida zaitzaketegu zuen produktu/zerbitzuentzako esportazio-ahalmena duten merkatu berriak hautatzeko.

Jarduera horrek hazteko ahalmena duten merkatuak identifikatzen eta haietara nola sartu erabakitzen lagunduko dizue, zuen salmenten helmugak dibertsifikatzeko asmoz, zuen merkatu nagusiekiko mendekotasuna gutxitzeko.

Sartzeko bidea hautatzen lagunduko dizugu; besteak beste, zure negoziora eta hautatutako herrialdera hobekien egokitzen den agente, banatzaile edo tokiko bazkidea bilatzen eta zuen enpresarentzako profilik onena bilatzen, agendak eta laguntza eskainiz

Agentea / banatzailea / tokiko bazkidea bilatzea

Dagoeneko egin duzue zuen jarduera handitu nahi duzuen hurrengo merkatuaren analisi estrategikoa, baina nola hasi?:

  • Hasteko, elkarrekin erabakiko dugu hautatutako merkatura sartzeko biderik egokiena, zuen enpresaren, produktu/zerbitzuaren eta xede-herrialdearen bereizgarrietan oinarrituta. 
  • Sartzeko bidea hautatu ostean, bilatuko dugun profila zehaztuko dugu. 
  • Profilen zerrenda bat egingo dugu zehaztutako bilaketa-irizpideak jarraituta. Fase honetan lehentasunezkoa da komunikazio jarraitua izatea egindako aurrerapenei buruzko feedbacka jasotzeko.  
  • Ondo baderitzozue, hautatutako profilekin harremanetan jar gaitezke, elkartea sortzeko haien egokitasuna zehazteko eta, bien aldetik interesik balego, harremanetan jartzeko. 

Zuen beharren arabera, aurrez aurreko edo bilera birtualen agenda bat antolatu dezakegu interesa erakutsitako enpresekin eta helmugan alderdi logistikoetan babesa emateko.

Agendak eta laguntza

Zer kontakturengana heldu nahi duzuen identifikaturik baduzue, baina nahiago baduzue hasierako komunikazioa tokian bertan izatea arrakasta-aukerak handitzeko, bilera komertzialen agenda bat egin dezakegu.

Horretarako, enpresa horien aurrean aurkeztuko zaituztegu, aurretik adostutako mezu baten bidez, eta bilera bat izateko zuen interesa helaraziko diegu. Kontaktatutako enpresek interesa eta prestutasuna erakutsi ahala, bilerak hitzartuko ditugu eta agendaren ibilbidea prestatuko dugu.

Prozesuan lagunduko dizugu helburuko herrialdean alderdi juridiko, fiskal, laboral eta lekuari dagozkionetan orientazioa emanda.

Atzerriko herrialde batean duzuen zerbitzuren bat ezarri, birkokatu edo aldatu nahi baduzue, behar juridiko, fiskal, laboral edo antzekoetan orientatu zaitzaketegu, eta irizpideen arabera, dagokion agenteekin harremanetan jarri helmugan.

Era berean, orientatu zaitzaketegu balizko ezarpen baterako lekuak bilatzen ari bazarete. Jarri gurekin harremanetan eta konta iezaguzu zer behar duzun.

Zure beharretara hobekien egokitzen diren bezero edo hornitzaileak aztertu, hautatu eta bilatzen lagunduko dizugu.

Bezeroak bilatzea

Basque Trade & Investmenten, balizko bezeroak identifikatzeko zerbitzua eskaintzen dizugu, produktuaren tipologia, merkataritza-estrategia, helburuko sektoreak eta beste irizpide batzuen arabera. Proiektua gauzatzeko, ekintza hauek egingo dira:

  • Bilatzen den bezeroaren profila definitzea.
  • Balizko bezeroak bilatzea eta identifikatzea definitutako profilaren arabera (long-list delako zerrenda egitea).
  • Identifikatutako balizko bezeroen hasierako zerrenda elkarrekin onartzea.
  • Onartutako bezeroen ezaugarritzea eta haien kontaktuen kualifikazioa, hau da, ahal den neurrian, identifikatutako bezeroen inguruan informaziorik garrantzitsuena eskuratzen saiatuko gara.

Bezeroen identifikatze-etapa bukatu ostean, hautatutako bezeroengana heltzeko estrategiarik onena baliozkotuko dugu elkarrekin.

Hornitzaileak bilatzea

Basque Trade & Investmenten, balizko hornitzaileak identifikatzeko zerbitzua eskaintzen dizugu, izan ditzakezuen behar eta beste irizpide batzuen arabera. Proiektua gauzatzeko, ekintza hauek egingo dira:

  • Bilatzen den hornitzailearen profila definitzea.  
  • Balizko hornitzaileak bilatu eta identifikatzea definitutako profilaren arabera (long-list zerrenda egitea).  
  • Identifikatutako balizko hornitzaileen hasierako zerrenda elkarrekin onartzea.  
  • Onartutako hornitzaileen ezaugarritzea eta haien kontaktuen kualifikazioa, hau da, ahal den neurrian, identifikatutako hornitzaileen inguruan informaziorik garrantzitsuena eskuratzen saiatuko gara, zuen beharren arabera.  

Hornitzaileen identifikatze-etapa bukatu ostean, hautatutako hornitzaileengana heltzeko estrategiarik onena baliozkotuko dugu elkarrekin.

Tokiko finantza-laguntzen mapaketa egin, tokiko agenteak identifikatu eta IVF/COFIDES/Elkargi finantzaketa-kanalera gerturatuko zaituztegu.

Atzerrian proiektu bat hasteko edo dagoeneko baduzun bat sustatzeko finantzaketa bila ari bazara, xede-merkatuan zuen beharretara egokitzen diren finantza-laguntzen ikerketa egin dezakegu, baita zuen proiektuan lagun dezaketen tokiko agente/erakundeak identifikatu ere.

Halaber, IVF / COFIDES / Elkargi finantzaketa-kanalera gerturatu zaitzaketegu:

  • Atzerrian enpresa berri bat sortzeko 
  • Atzerrian dauzkazuen instalazioak zabaltzeko 
  • Atzerrian enpresa berri bat erosteko 
  • Atzerrian merkataritza-ezarpena egiteko 

Funts horrek zuen finantzaketa-iturriak dibertsifikatzen utziko dizue, baldintza eta eskakizun mailegu batekin, baina CIRBEn zuen zorra handitu gabe.

Zuen egungo posizioa aztertuko dugu, eta Posizio Digitalerako Plan bat landuko dugu elkarrekin hautatutako atzerriko merkaturako.

Denek ezagutzen dugu balizko bezeroei geure burua aurkezteko kanal ezinbesteko moduan Internetek duen garrantzia, nazioartekotze-prozesua hasten ari diren enpresentzako nahiz merkatu jakinetan posizioa hobetu nahi duten enpresa esportatzaileentzat.

Programa honi esker, ETE parte-hartzaileek zuen enpresaren posizio digitalaren analisia eskuratu ahal izango duzue, eta honako alderdi hauek landuko dira bertan:

  • Erabilgarritasuna, irisgarritasuna eta nazioarteko erabiltzailearen webgunerako orientazioaren ebaluazioa 
  • Sare sozialetako presentzia 
  • Bilatzaileetako posizioan (SEO) eragina duten hitz gakoen eta beste alderdien hasierako hurbilketa 
  • Atzerriko helburuko merkatuko lehiakortasunaren mapaketa 

Analisia bukatu ostean, Marketin Digitaleko ekintza-plan bat landuko da zure enpresaren posizio digitala hobetzeko hautatutako atzerriko merkatuan.

Marketplace zerbitzuaren bidez, produktu eta marketplace egokiaren aukeraketatik operatiboa jaulki arte lagunduko dizugu.

Marketplaceak aukera bat dira haien sareko kanal propioa ezartzeko baliabiderik ez duten ETE-entzat, kanal digitalaren bidez nazioarteko kontsumitzaileengana heltzeko aukera izan dezaten. Marketplacearen erabilerak abantaila hauek ditu:

  • Salmenten irismen geografikoa handitzen du. 
  • Merkatuetako txertatzea handitzen du balizko bezero gehiagorengana helduz. 
  • Eskala-ekonomiak eta eraginkortasun handiagoa lortzen laguntzen du. 
  • Sinesgarritasuna eta konfiantza ematen dio bezeroari. 

Zerbitzua garatzeko hurrengo urratsak jarraituko dira:

  • Produktua eta helburuko esportazio-merkatuak aukeratzea.  
  • Lehiakideen benchmarkinga esparru digitalean.  
  • Hautatutako herrialdean Marketplacearen mapaketa eta produktua-merkatuarentzat egokienak identifikatzea.  
  • Proiektuaren bideragarritasunaren eta errentagarritasun-mailaren azterketa.  
  • Laguntza Marketplacearen onboarding-prozesuan. 
  • Babesa Marketplaceari lotutako alderdi logistiko, kobrantza, berme eta esportazio-izapideetan.  
  • Marketplaceko posizio-estrategia eta plataformako prezioen estrategia definitzea.   
  • Laguntza Marketplacearen onboarding-prozesuan. 
  • Formakuntza, programak aurrera egin ahala. 

Ezagutzen dituzu nazioartekotzea babesteko gure programak?

Zabaldu+

Itzuli beharrik gabeko dirulaguntza, 75.000 € artekoa, enpresa bakoitzeko, merkatu berriak ireki, kanpoko presentzia indartu edo nazioartekotze-prozesuan aurrera egin nahi duten enpresa txiki eta ertainentzat eta startupentzat. Deialdi bakar batean biltzen ditu Zabaldu, Sakondu, Elkartu eta Pilotu bezalako laguntzak.

Gehiago jakiteko

Nazioarteko GAUZATU

Nazioarteko inbertsio publikoa duten proiektu pilotuetan Euskadiko enpresen parte-hartzea erraztera bideratutako programa, haien ospea, eta ondorioz, merkatu horietan enpresen barneratzea errazteko.

Gehiago jakiteko

SAKONDU 2025

ETE (tamaina-murrizketarik gabe) eta enpresa berriei (startupak) zuzendutako programa. Enpresa berri horiek 2024ko urtarrilaren 1are ondoren eratutakoak izan behar dute eta nazioartekotze fase hasiberrian egon beharko dute. Halaber, haien fakturazioaren % 50 baino gutxiagok izan behar du jatorria esportazioetan.

Gehiago jakiteko

PILOTU 2025

Nazioarteko inbertsio publikoa duten proiektu pilotuetan Euskadiko enpresen parte-hartzea erraztera bideratutako programa, haien ospea, eta ondorioz, merkatu horietan enpresen barneratzea errazteko.

Gehiago jakiteko

ELKARTU 2025

Elkartuk enpresa-elkarteei, enpresa-lankidetzako taldeei, esportazio-partzuergoei, salmenta-taldeei edo atzerriko merkatuetan elkarrekin jarduteko konpromisoa duen edozein figurari laguntzen die.

Gehiago jakiteko

Nola lagun diezazukegu?

Basque Trade & Investmenten zure nazioartekotze-prozesuan lagunduko dizugu, zerbitzu pertsonalizatuak behar badituzu edo zure enpresa atzerrira zabaltzeko informazioa nahi baduzu.
JARRI GUREKIN HARREMANETAN