Automozioko 13 euskal enpresa sektoreko erosketa eta hazkunde estrategietan sakondu dute Detroiten, BasqueTrade eta ACICAEren eskutik

Automobilgintzako hamahiru euskal enpresak enpresa-misio batean parte hartu dute Michigan estatuan, bereziki Detroit hirian, sektore horren motorra Estatu Batuetan. "Tier1" (produktu amaitua markei ematen dieten lehen mailako hornitzaileak) eta "OEM" (jatorrizko piezen edo ordezko piezen ekoizleak) delakoen Ipar Amerikako erosketa eta hazkunderako estrategiak ezagutzea izan da misio honen helburua. Ekimena, ACICAE Automobilgintzako Euskal Klusterraren eta SPRI Taldeko Basque Trade & Investment (BT&I) Nazioartekotzeko Euskal Agentziaren ekimenez gauzatu da.

Enpresa-misioaren aurretik, Detroiteko bezero potentzial batzuek interesa agertu dute euskal sektoreko produktu eta teknologia zehatzetan, eta, horrela, euskal enpresek aukera izan dute beren gaitasunak aurkezteko eta, baita merkataritza-harreman berriak irekitzeko ere.

Misioa Tier1 'eta Tier2 (TIER1 enpresen fabrikatzaile hornitzaileak) konpainiek eta makineriaren euskal fabrikatzaileek osatu zuten. Parte hartu duten 13 enpresak hauek izan dira: Alcorta Forging Group, Azol-gas, Batz, Cie Automotive, Cometel, Fagor Arrasate, Fagor Ederlan, Gaindu, Hutchinson, Lazpiur, Metagra, Panelfisa eta Teknia Group. Enpresa horietako gehienek instalazioak edo ordezkariak dituzte Ipar Amerikan, tokiko bezeroek nabarmen baloratu duten ezaugarri hori. Era berean, garrantzitsua izan da euskal industriaren aniztasuna eta potentziala eta balio-kate osoan zehar izan zuen lankidetza erakustea; alderdi hori ere positiboki baloratu dute munduko automobil-merkatu zorrotzenek eta lehiakorrenek.

ACICAEk eta BT & I-k etengabe laguntzen dute automobilgintzaren sektorea nazioartekotzen laguntzen duten ekimenetan, eta misio hau izan da horren adibide garbia. Zehazki, Basque Trade & Investment-ek laguntza eta tresnak eskaintzen ditu Klusterra eta bere enpresak nazioartekotzeko, enpresen esportazioak sustatzeko, eta Euskadi eta bere sektoreak merkatu estrategikoetan kokatzeko era guztietako jarduerak sustatzen ditu, merkataritza eta produkzio-ezarpenetan beharrezko laguntza teknikoa emanez.

Michigan

‘Bost Aintzira Handietat’ inguratuta ', Michigan Estatua Estatu Batuetako automotriz industriaren erdigunea da. Hemen daude sektoreko «Hiru Handiak» deiturikoen egoitza nagusiak, Auburn Hills (FCA US, ex-Chrysler Corporation), Dearborn (Ford Motor Company) eta Detroit (General Motors) hirietan banatuta: Mendebalde Erdiko Estatu honetan fabrikatutako produktu nagusiak automobilak, kamioiak eta autobusak dira, baita makineria eta produktu kimikoak ere.

Besteak beste, EAEko ordezkaritza industrial eta instituzionalak EATONek Southfielden dituen lantegiak, AISINek Township of Northvillen dituen lantegiak eta FORDen zentrala bisitatu ditu. Bertan, bilerak antolatu dira, Washingtongo Basque Trade bulegoaren eta ACICAEren laguntzarekin.

ACICAE

ACICAE irabazi-asmorik gabeko enpresa-elkartea da, automobilgintzako euskal sektorearen lehiakortasuna hobetzeko helburua duena. ACICAE 1993an eratu zen, Europako Automozio Kluster zaharrena izanik. ACICAEk automobilgintzako euskal enpresen arteko koordinazioa eta lankidetza sustatu ditu, ezagutza eta posizionamendu estrategikoa, enpresa-dimentsioa, berrikuntza teknologikoa, kudeaketa-sistemak eta nazioartekotzea bezalako esparruetan lan eginez. Horrela, industriaren etengabeko hazkundea erraztu du azken 30 urteetan, sektorea 2022an 22.375 milioi euroko emaitza lortu dituelarik.