Nazioaterako bloga
Erresuma Batuko abiazio zibilaren industriaren txostena
Basque Trade & Investment, SPRI Taldeko Nazioartekotzeko Euskal Agentziak txosten bat argitaratu du Erresuma Batuko abiazio zibilaren industriari buruz.
Nahi baduzu, deskargatu HEMEN Laburpen Exekutiboa.
Txosten osoa (barne direla agente garrantzitsuenen identifikazioa, balio-kateen analisia eta “hub” edo produkzio-gune desberdinen ezaugarriak) eskuragarri dago eskatzen duten euskal enpresa guztientzat. Txostena jasotzeko, email bat bidali behar da helbide honetara: ilopez@basquetrade.eus
Erresuma Batuko industria aeroespaziala Europako lehenengo handiena da eta munduko bigarren handiena, Estatu Batuetakoaren atzetik. Herrialdeak munduko bikaintasun-zentro ospea du motorrak, helikopteroak, hegoak, egiturak eta sistema aeronautikoak diseinatu eta ekoizteko. Fabrikazioaz gain, Erresuma Batuak MROren sektore oparoa du, urtero Erresuma Batuan zehar eta bertatik hegan egiten duten hegazkin kopuru handiari zerbitzuak ematen dizkiona.
Merkatu honetako aukerak hegazkin edo motor modelo berrien fabrikazioari lotutakoak dira oraindik ere. Zehazki, Erresuma Batuko perspektiba onenak honako arlo hauetan daude: aerodinamika (adibidez, hegalak diseinatzea), propultsioa (errotore-palak, motorrak muntatzea), aeroegiturak (fuselajeak eta hegoak muntatzea), sistema aurreratuak (elektronika, lurreratzeko trena, etab.), bai eta azaleratzen ari diren beste eremu batzuetan ere, hala nola aplikazio espazialetan edo droneetan.
Sektore aeroespazialeko 3.000 enpresa baino gehiagorekin, Erresuma Batuak hornidura-kate oso integratua eta heldua du; beraz, merkatu aeroespazial britainiarrean sartzeak pazientzia, inbertsioa, produktu berritzaileak eta prezio lehiakorrak eskatzen ditu. Hornitzaile berriek arrakasta izan nahi badute lehiarako abantaila argia erakutsi behar dute. Hornitzaileek Erresuma Batuko bezero handiago batekin lankidetzan aritzeko aukera azter dezakete, bezero horrek gaitasuna handitu nahi badu, edota banatzaile edo tokiko agente bat erabiltzea azter dezakete.