BEINT Programa

Goi-mailako unibertsitate-titulua duten eta nazioartekotze arloko prestakuntza jaso nahi duten Euskadiko gazteentzat

Aparteko lan-esperientzia pertsonala eskuratu nahi duzu?

Hemen dago BEINT Nazioartekotze-beken 2026 deialdia. 30 urte baino gutxiago eta unibertsitate-titulazioa duten Euskadiko gazteei zuzenduta dago, eta prestakuntza nazioarteko erakunde eta enpresetan jasotzea ahalbidetuko dizu. Gainera, aukera izango duzu hainbat arlo sakonago ezagutzeko, hala nola nazioarteko merkataritzaren errealitate eta arauak, euskal ekonomia-ehuna, bere instituzio eta enpresak, eta kokagune anitzeko enpresen kudeaketarako eta nazioarteko salerosketarako beharrezkoak diren gaitasunak.

Beken zuzkidura ekonomikoa 30.000 € eta 80.000 € bitartekoa da, xede-herrialdearen arabera.
Ez ezazu galdu lan-merkaturako ateak irekiko dizkizun aukera paregabe hau.

2025ko deialdia itxita

Eskaera egiteko epea 2023ko martxoaren 9tik apirilaren 10ra izan da.

Hautaketa probak

Zehazteke.

80 plaza, honela banatuak:

A modalitateko 70 beka gehienez (programaren 1., 2. eta 3. faseak egingo dituzte).
B modalitateko 20 beka gehienez (programaren 1. eta 3. faseak egingo dituzte).

Sartu zure espedientean. Sartu hemen.

Programako faseak

2 urteko iraupena 3 fasetan
Zuzkidura ekonomikoa 30.000€ eta 80.000€ artekoa izango da, xede-herrialdearen arabera

1

Graduondoa

Nazioartekotze alorrean Unibertsitateko Espezialistaren Graduondoko Berezko Titulua

2026ko abendua baino lehen amaitzen da

4 hilabete

*Oporraldia abuztuan

2

Praktikak erakundeetan

Praktikak Basque Trade & Investment erakundearen bulegoetan, Eusko Jaurlaritzaren ordezkaritzetan, Espainiako merkataritza-bulegoetan eta nazioartekotzea sustatzeko beste erakunde edo elkarte batzuetan.

2027ko urtarrila-abendua
(A modalitatea bakarrik)

12 hilabete

3

Praktitkak enpresetan

Praktika profesionalak atzerriko enpresa nazioartekotuetan edota Erakunde Multilateraletan

A modalitatea:
2028ko urtarrila-abuztua
B modalitatea:
2021eko urtarrila-abuztua

8 hilabete

Helburuak

Unibertsitate-titulua duten gazteak nazioartekotzearen arloan gaitzea, ezagutza akademikoa eta esperientzia praktikoa eskainiz kanpoko merkatuetan, eta haien mugikortasuna erraztuz erakunde sustatzaileen eta nazioartekotutako enpresen bidez.

Euskal enpresei eta beste erakunde batzuei profesionalak eskaintzea, eraginkortasunez erantzun diezaieten ekonomia irekiaren erronkei. Merkatu berrietara sartzeko, prestakuntza teknikoa duten eta ingurune kultural desberdinetan lan egiten ohituta dauden pertsonak behar dira.

Garrantzitsua

Izena emateko, hautagaiaren izenean dagoen ziurtagiri digitala beharrezkoa da. Ez ezazu izen-ematea azken egunerako utzi, balizko arazo teknikoei aurreratu zaitez.

Nazioartekotzearen lehen urratsak

  • 30 urtetik beherako Euskal Herriko gazteak
  • Goi mailako unibertsitate-titulua
  • Ingeles gaitasuna, gutxienez B2
  • Europar Batasuneko herrialderen bateko nazionalitatea
2025eko Araudi osoa kontsultatu

30 urtetik gora daramatzagu gazteak prestatzen merkatu globalerako

80ko hamarkadatik hona, Eusko Jaurlaritzak Nazioartekotze Programa bat kudeatzen du, zeinaren helburua baita gazteei kanpo-merkataritza arloko prestakuntza ematea eta aukera eskaintzea atzerrian praktikak egiteko. Denbora honetan guztian, prestakuntza-premiak eboluzionatuz joan dira erakunde eta merkatu globalekin batera. Hori dela eta, nazioartekotzeko BEINT programa urtez urte aldatu beharra dago errealitate berrietara egokitzeko.

Dagoeneko milaka gazte eta enpresa atxiki zaizkio programa honi, zeinari esker hobeto ezagutu baitituzte nazioarteko merkataritzaren errealitatea eta arauak, euskal ekonomia-sarea, bertako erakunde eta enpresak, enpresa multikokatuak kudeatzeko behar diren gaitasunak eta nazioarteko erosketa eta salmentak.

Ezagutu gure talentuen prestakuntza eta kontratazio zerbitzuak

RAQUEL GÓMEZEK URTEBETE IGARO ZUEN SHANGHAIN PRAKTIKAK EGITEN

Enpresen Administrazioan eta Zuzendaritzan lizentziaduna da Raquel Gómez, eta, BEINT bekari esker, Shangaiko enpresa batean egin zituen praktikak. Esperientzia horrek aukera eman zion kultura berriak ezagutzeko, etorkizunerako harreman profesionalak sortzeko eta bidaiatzeko.

MARÍA URIARTEK AHOLKULARI GISA EGIN ZITUEN PRAKTIKAK MEXIKON

Bogotán egon ondoren, María Uriartek Mexikon osatu zuen beka. Nazioarteko higiezinen aholkularitza batean egin zituen praktikak. Esperientzia hark hazkunde pertsonala eta profesionala eskaini zizkion, eta denei gomendatzen die.

Ohiko galderak

Zehazteke (argitaratu gabe oraindik).


Zehaztu gabe.

Zehazteke (argitaratu gabe oraindik).

2026ko uztailetik abendura.

Beharrezkoa da titulua edo egiaztagiria izatea 2026ko maiatzaren 31 baino lehen.

Ez

2026ko urtarrilaren 1ean 30 urte beteta ez bazenituen, bai.

Euskara maila egiaztatzeko, titulu ofizialak (B2 maila edo handiagoa) aurkeztu edo balorazio-proba egin daiteke.

Atzerriko hizkuntzen kasuan, ez dira tituluak baloratuko. Hori beharrean, hautagaien maila balorazio-probetan ebaluatuko da.

2026an, gainera, gaztelania menderatzea eskatzen da (B2 gutxienez): elkarrizketa pertsonalaren bidez egiaztatuko da, eta, maila frogatzen ez bada, titulu ofizial bidez egiaztatzeko eskatu ahal izango da.

Ez, BEINT bateraezina da antzeko prestakuntza-helburua duten unibertsitate-tituludunei zuzendutako laguntza edo beka honen edo beste batzuen onuradun izatearekin, baldin eta, beren ibilbidean, atzerrian praktikak egiteko aukera eman badute, 6 hilabetetik gorakoak edo 6 hilabetekoak, nazioarteko enpresa edo erakundeetan. Bereziki, nazioartekotze-beka horiek baliatzeko bateraezina da BEINT, Global Training, ICEXen edo beste administrazio autonomiko batzuen, merkataritza-ganberen, EBko merkataritza-sustapeneko erakundeen eta antzeko beste erakunde batzuen beken onuradun izatea.

Nola lagun diezazukegu?

Basque Trade & Investmenten zure nazioartekotze-prozesuan lagunduko dizugu, zerbitzu pertsonalizatuak behar badituzu edo zure enpresa atzerrira zabaltzeko informazioa nahi baduzu.
JARRI GUREKIN HARREMANETAN