Energia
Zerbitzua eta espezialitatea
Energia-sektorea Euskadiko garapen industrialaren eta teknologikoaren ardatz estrategikoetako bat da; BPG industrialaren % 9 biltzen du eta 26.000 pertsona baino gehiagori ematen die lana Euskadin. Sektoreko Euskadiko enpresek espektro zabala hartzen dute: haize eta eguzkia-energia sortzea eta biltegiratze-irtenbideak eta sare adimendunak, esaterako. Industriaren, zentro teknologikoen eta unibertsitateen arteko lankidetzak Euskadi energia jasangarriaren erreferente moduan kokatzen ari diren teknologia berritzaileak garatzea ahalbidetu du.
ko fakturazioa guztira
enpresa
lanpostu munduan
Euskadiko energia-sektorea enpresa eta profesionalen dentsitate handiak ezaugarritzen du, eta balio-kate energetiko batzuen hornikuntza-kate guztia asetzen dute. Bestalde, hemengo enpresak aktore garrantzitsuak dira mundu mailan: mundu guztiko proiektu energetiko nagusienetan hartzen dute parte eta zenbait sektore berri gako lideratzen dituzte teknologikoki; itsasoko energia eolikoa, marea-energiak, hidrogeno-energiaren garapen industriala eta sare adimendunak, besteak beste. Era berean, energia-sektorean gakoak diren teknologia erraztaileen aplikazioa garatzen dihardute: zibersegurtasuna, AA, digitalizazioa, material aurreratuak, simulazio eta aurreikuspen-tresnak, etab. Hori horrela, Euskadiko energia-sektoreko enpresak bost kontinenteetako 69 herrialdetan daude, eta 425 ezarpen baino gehiago dituzte atzerrian.
Bestalde, Euskadik politika publikoak eta laguntza-programa espezifikoak ezarri ditu trantsizio energetikoa sustatzeko eta karbono-aztarna txikitzeko. Energia berriztagarrietako eta eraginkortasun energetikoko proiektu enblematikoak daude abian, baita eko berrikuntzarako ekimenak ere, eredu energetiko jasangarriago bat eta erresilienteago baterantz aurrera egiteko. Gainera, Euskadi eta bertako zentro teknologikoak nazioarteko hainbat partzuergo eta lankidetzaren parte dira, eta horrek indartu egiten du teknologia berriak eta irtenbide energetiko orokorrak hartzeko duten gaitasuna.
