BASQUE COUNTRY LIZITAZIOAK PLATAFORMA
PREST GLOBALKI LEHIATZEKO?
Eusko Jaurlaritzak eta Basque Trade & Investment-Nazioartekotzeko Euskal Agentziak Lizitazioen Euskal Plataforma sortu dute, euskal enpresek gehiago parte har dezaten organismo multilateralek finantzatutako lizitazio publikoetan, bultzada bat emanez horrela Euskadiko enpresa-sarearen nazioartekotze prozesuari.
Egungo ekonomia globalizatu eta ezinago lehiakorrean euskal enpresek erakutsi dute gaitasun handia dutela berritzeko, eta hainbat sektoretako abangoardian kokatu dira Europan beren kalitate-maila handiari esker.
Orduan, zergatik ez lehiatu lizitazio multilateraletan munduko edozein tokitan? Zergatik negozio multilaterala?
NAZIOARTEKO LIZITAZIO PUBLIKOETAN PARTE HARTZEA MODU BIKAINA DA EUSKAL ENPRESEN NAZIOARTEKOTZEA SUSTATZEKO
AUKERA EMATEN DU TOKIKO MERKATUETAN SARTZEKO ARRISKU MINIMOEKIN
GARAPEN MULTILATERALEKO BANKUAK (MDB) EGONKORTASUN HANDIKO INBERTSIO JARRAITUAK EGIN DITU AZKEN HAMARKADETAN, ARE KRISI GARAIETAN ERE.
HORRETARAKO, BASQUE COUNTRY LIZITAZIOAK
PLATAFORMAREN (BCLP) BIDEZ POSIBLE DA
Aukerak sasoiz identifikatzea
Enpresak organismo lizitatzaileei aurkeztea Nazioartekotzeko Euskal Agentziaren bitartez, alde batera utziz aurkezpen “hotzak”
Euskal enpresak posizionatzea lizitazioak argitaratu baino lehen
Era berean, BCLPk aholkularitza eta laguntza ematen dizkie enpresei proiektuen lizitazio eta esleipen ziklo osoan zehar, arrakasta izan dezaten.
Europako lizitarioetan parte hartu nahi al duzu?
Basque Trade & Investment-ek lagunduko zaitu.
Gehiago jakin nahi baduzu jar zaitez gurekin harremanetan.
Basque Trade & Investment-ek Europako ProSME proiektuan parte hartzen du Business France eta Valoniako Esportazio Agentziarekin (AWEX) batera
ETEen Europako Agentziak (EASME) finantzatutako ProSME proiektua joan den uztailean abiatu zen, AWEX agentziaren gidaritzapean eta Business France erakundearen laguntzarekin. ProSME proiektuaren helburua da Euskadi, Frantzia eta Valoniako enpresek lau jomuga-merkatutako, hots, Kanada, Suitza, Kolonbia eta Ukrainiako lizitazio publikoetan parte har dezatela. 2024ko ekainera arte garatuko den proiektu horrek honako hauek biltzen ditu: azterlanak egitea herrialde bakoitzeko lizitazio publikoen merkatuei buruz, lizitazioetan oinarrizkoak diren erakunde, kluster eta eragileen mapa egitea, merkatuen analisi legala egitea, enpresei lizitazio-prozesuetan laguntzea, agentzia parte-hartzaileetako enpresen arteko partzuergoak sustatzea, enpresentzako informazio-puntu bat sortzea EBtik kanpoko lizitazioei buruz, enpresei zuzendutako eLearning moduluak egitea, eta mintegi informatzaileak nahiz topaketarako enpresa-misioak antolatzea jomuga-herrialdeetako lizitatzaileekin.
Gero eta enpresa gehiagok egin dute bat Basque Country Lizitazioak Plataformarekin proiektu multilateralei ekiteko. Enpresa horiek balio erantsia ematen diete proiektuei eta hainbat sektoretan duten “know how” eta esperientzia esportatzen dute.
PLATAFORMAKO KIDE IZAN NAHI DUZU?
ESKATU PLATAFORMAN
ALTA HARTZEA
Lizitazioen Euskal Plataforman alta eskatzeko, oinarrizko informazio bat eman behar diguzu zurekin harremanetan jar gaitezen. Informazio hori jasotakoan, gure lantaldea zurekin harremanetan jarriko da eta zure enpresaren datuak eskatuko dizkizu. Mesedez, eman datu hauek: